بتنادى مامتك ازاى

السلام عليكم و رحمه الله و بركاته ...
* هو انت بنتادى مامتك بأيه بتناديها ازاى يعنى ؟؟؟
جمله استوقفتنى الحقيقه.. و بعدين فكرت ... هو انا الكلمه اللى باقولها لمماتى فى البيت هى نفس الكلمه اللى بيقولها الواد الروسى و لا الهندى و لا حتى الموزمبيقى..
او حتى ابناء البلد الواحده ...
لكن تعالوا كده نشوف ...........................
نشوف بعض الدول بينادو ازاى



الطفل المصري ينادي أمه... ((ماما))

وفى كام فرفور عندنا بيقلو مامى .. بس هيتم القضاء عليهم وفى بيقلو يا حجة وفى انت ياست .. عندنا فى كل حاجة



الطفل اليمني ينادي أمه... ((وا أماه))

ده رايح يستشهد ..



الطفل الروسي ينادي أمه.... ((ماتي))

ده اسم بسكويت عندنا



الطفل اليوناني ينادي أمه... ((ماتا))

ده مش اسم حاجة عندنا



الطفل الهولندي ينادي أمه... ((ماتكا))‏

ده اسم لبان عندنا



الطفل الانجليزي ينادي أمه....((ماذر))

ده معروف طبعا .. بنستخدمه برضو فى مصر بس لما نقول .... ياروح المذر بتاع انت



الطفل النمساوي ينادي أمه...((مونزك))

ده على ما اعتقد نوع متفجرات



الطفل الفرنسي ينادي امه... ((مامان))

يا دلعو



الطفل الايراني ينادي أمه...((موت))

لو نديتها بكده هتعلقنى



الطفل البلجيكي ينادي أمه... ((مام))

دى النعومة والرقة



الطفل التركي ينادي أمه.... ((نينا))

اللقب ده بنادى بى ستنا الى هى ام امنا او ام ابونا .. انا خصوص والله كنت بقول لأم والدى يا تيتا وكنت بابص ورايا لحد يشفنى . او سعات يا ستى او يا ستو


الطفل الألماني ينادي أمه....((موتر))

احنا عندنا مش بنعرف الموتر غير الى بيرخ على دمغنا فى الشتاء



الطفل الهندي ينادي أمه....((مّمي))

دى برضه فى نعومة



‏الطفل الياباني ينادي امه.... ((ها ها)) ‏

دى مصيبة لوحدها

تصور وانت فى البيت كل شوية تنديها وتقلها هاهاهاهاهاها والله ما هتعبرك وابوك هيقول الواد اتجنين



الطفل السعودي ينادي امه.. (((يمّه)))

احنا المصريين بنقول كده بس لو شفنا عفريت


أتمنا إنها تنال إعجابكم